Bakı. Trend:
Sabunçuda baş verən yol qəzasında biri azyaşlı olmaqla 2 nəfər ölüb.
Daxili İşlər Nazirliyindən Trend-ə verilən məlumata görə, sentyabrın 28-də saat 19 radələrində Sabunçu qəsəbəsi ərazisində Bakı şəhər sakini Tərlan İmanov idarə etdiyi “Zil-130” markalı avtomobillə yolu keçən paytaxt sakinləri Güllü Salmanovanı və azyaşlı nəvələri Aygün və İlkin Məmmədovları vurub.
Onlar xəstəxanaya yerləşdirilib, G.Salmanova və Aygün orada ölüblər.
Sabunçu RPİ tərəfindən araşdırma aparılır.