...

Sərhədçilər İrandan Azərbaycana narkotik daşınmasına imkan vermədilər - 4 nəfər saxlanıldı (FOTO)

Hadisə Materials 9 Oktyabr 2018 15:30 (UTC +04:00)
Sərhədçilər İrandan Azərbaycana narkotik daşınmasına imkan vermədilər
Sərhədçilər İrandan Azərbaycana narkotik daşınmasına imkan vermədilər - 4 nəfər saxlanıldı (FOTO)

Bakı. Elçin Mehdiyev - Trend:

Dövlət Sərhəd Xidməti (DSX) əməkdaşlarının sayıqlığı və pe­şəkarlığı sayəsində külli miqdarda narkotik vasitənin qanunsuz dövriy­yədən çıxarılması təmin olunub.

DSX-nin mətbuat mərkəzindən Trend-ə verilən məlumata görə, Dövlət Sərhəd Xidmətinin sərhəd qoşunlarının “Lənkəran” sərhəd dəstəsinin Astara rayonu Sım kəndi ərazisindəki sərhəd zastavasının xidməti sahəsində həyata keçirilmiş qoşun və əməliyyat-axtarış təd­bir­ləri nə­ti­cəsində İrandan Azərbaycana dövlət sərhədini pozaraq keçmiş İran vətəndaşı 1983-cü il təvəllüdlü Şahbazi Əkbər Dilavər sərhəd pozucusu qismində saxlanılıb.

Saxlanılan şəxsin üzərinə baxış keçirilərkən 1 kq 200 qram heroin, 710 qram tiryək, 200 ədəd “preqabalin” psixotrop maddəsi və 15 qutu “meprotan” həbləri aşkar olunub. Keçirilmiş əməliyyat-ax­tarış tədbirləri nəticəsində narkotik vasitəni qəbul etmək üçün həmin əraziyə gəlmiş Azər­baycan vətəndaşları Astara rayon sakinləri 1972-ci il təvəllüdlü Əkbərov Rövşən Firuddin oğlu, 1982-ci il təvəllüdlü Vəli­ye­va Xəyalə Yaqut qızı, həmçinin narkotik vasitənin sifarişçisi Lənkəran rayon sakini 1986-cı il təvəllüdlü Məm­mədov Pərviz Əsəd oğlu saxlanılaraq istintaqa cəlb edilib.

Hadisə ilə bağlı zəruri əməliyyat-istintaq tədbirləri davam etdirilir.

Məqalədə:
Xəbər lenti

Xəbər lenti