Bakı. Ceyhun Ələkbərov - Trend:
Zaqatalada "Ford" markalı minik avtomobili qəza törədib.
Trend-in məlumatına görə, hadisə ötən gün axşam saatlarında baş verib. Şahidlərin verdiyi məlumata görə, qəza törədən avtomobil rayon mərkəzində yerləşən Bayraq meydanına çırpılıb.
Respublika Dövlət Yol Polisi İdarəsinin İctimaiyyətlə əlaqələr şöbəsinin rəisi Rüfət Quliyev Trend-ə verdiyi məlumata görə, avtomobil maneələrə çırpılaraq qəza törədib və minik vasitəsinə ciddi ziyan dəyib:
"Heydər Əliyev prospekti ilə hərəkət edən "Ford" markalı minik avotmobili idarəetməni itirərək maneələrə çırpılıb. Qəzanın səbəbləri Zaqatala rayon polis şöbəsi tərəfindən araşdırılr. Hadisədə xəsarət alan olmayıb".