Bakı. Trend:
Rusiyanın Novorossiysk şəhəri yaxınlığında baş verən qəzada iki nəfər ölüb, otuz ikidən çox insan xəsarət alıb.
Trend-in məlumatına görə, Verxnebakanskiy qəsəbəsi yaxınlığında reys avtobusu minik avtomobili ilə toqquşub.
Hadisə nəticəsində hər iki avtomobil 30 metr dərinlikdə olan dərəyə düşüb.
Bildirilir ki, 21 nəfər, o cümlədən 11 azyaşlı xəstəxanaya yerləşdirilib. Ümumilikdə avtobusda 42 nəfər olub.