Bakı. Trend:
Əcnəbi vətəndaşın pulqabısını açıq talama yolu ilə almaqda şübhəli bilinən Bakı şəhər sakinləri saxlanılıblar.
Daxili İşlər Nazirliyindən (DİN) Trend-ə verilən məlumata əsasən, Səbail RPİ-nin 9-cu Polis Bölməsinə müraciət edən əcnəbi vətəndaş yanvarın 31-də saat 3 radələrində H.Z.Tağıyev küçəsində 2 nəfərin ondan içərisində 1800 ABŞ dolları olan pulqabısını açıq talama yolu ilə aldığını bildirib.
Qeyd edilir ki, dərhal müvafiq araşdırmalar aparılıb. Keçirilmiş əməliyyat-axtarış tədbirləri nəticəsində bu cinayət əməlini törətməkdə şübhəli bilinən Bakı şəhər sakinləri R.Səttarzadə və V.Yusubov qısa müddətdə müəyyən edilərək polis əməkdaşları tərəfindən saxlanılıblar.
Səbail RPİ-də araşdırma aparılır.