Bakı. Trend:
İyunun 14-də tətbiq edilən karantin qaydalarını pozaraq çimərliyə gedənlər saxlanılıb.
Daxili İşlər Nazirliyinin mətbuat xidmətindən Trend-ə verilən məlumata görə, Qaradağ rayonu Səngəçal qəsəbəsində sərt karantin qaydalarını pozaraq çimərliyə gedən 8 nəfər müəyyən edilib.
Qaradağ Rayon Polis İdarəsinin əməkdaşları tərəfindən həmin şəxslər saxlanılıb və onlar İnzibati Xətalar Məcəlləsinin müvafiq maddəsi ilə cəzalandırılıblar.