Bakı. Trend:
Göygöl rayonunda ağır yol qəzası baş verib.
Trend-in məlumatına görə, rayonun Üçtəpə kəndi ərazisində hərəkətdə olan "BMW X5" ilə "VAZ 2106" markalı minik avtomobilləri toqquşub. Qəza zamanı "BMW X5"in sürücüsü xəstəxanaya aparılarkən yolda ölüb.
Məlumata əsasən, daha iki nəfər xəsarət alıblar, onlar xəstəxanaya yerləşdiriliblər. Onlardan birinin vəziyyət ağır olaraq qiymətləndirilir.