Azərbaycan, Bakı / Trend müxbir İ.Əlizadə /Bakı-Sumqayıt yolunun kənarında yerləşən "Neapol" istirahət mərkəzinə bitişik ərazidə tikilən yeni binada baş verən qəza ilə bağlı "Şən" Məhdud Məsuliyyətli Cəmiyyətin prezidenti Əhmədov Şükür Nazim oğlu həbs olunub. Bu barədə çərşənbə axşamı Abşeron rayon prokurorunun müavini Rauf Mövsümov məlumat verib.
"Neapol" istirahət mərkəzi "Şən" MMC-yə daxildir.
Prokuror müavini qeyd edib ki, Şükür Əhmədova qarşı Cinayət Məcəlləsinin 222-ci maddəsi ilə (tikintidə təhlükəsizlik qaydalarının pozulması) cinayət işi açılıb. Onun sözlərinə görə, baş vermiş hadisə ilə bağlı istintaq davam edir. Avqustun 14-də Bakı-Sumqayıt yolunun kənarında yerləşən "Neapol" istirahət mərkəzinə bitişik ərazidə yeni tikilən binanın uçması nəticəsində iki nəfər -1962-ci il təvəllüdlü, Zəngilan rayonundan məcburi köçkün, tikintidə briqadir işləyən Rafiq Məmmədov və Sumqayıtdan olan 43 yaşlı fəhlə Rauf Abdullayev həlak olublar. Bir nəfəri- Rasim Məmmədovu isə dağıntılar altından sağ çıxarmaq mümkün olub. Məmmədov yüngül bədən xəsəratləri alıb və ilkin tibbi yardım göstərildikdən sonra evə buraxılıb.
Faktla bağlı Abşeron rayon Prokurorluğunda Cinayət Məcəlləsinin 222-ci maddəsi ilə cinayət işi qaldırılıb. Tikintidə iş icraçısı işləyən Alıyev Şamil Mahmud oğlu şübhəli şəxs qismində həbs olunub.
Hadisədən bir gün sonra "Neapol" istirahət mərkəzinin baş meneceri Anar Nəzərov mətbuat konfransı keçirərək qəza baş verən binanın onlara aid olmadığını bildirmişdi. İndii isə "Neapol"un daxil olduğu "Şən" MMC-nin
prezidenti həbs olunub.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
