Azərbaycan, Bakı, 28 fevral / " , müxbir K.Ramazanova/ Bakı Azərbaycanın Ermənistan tərəfindən işğal olunmuş ərazilərində terrorçularla mübarizə aparmaq üçün öz müttəfiqlərinə, o cümlədən Türkiyəyə müraciət edə bilər.
"Biz erməni terror təşkilatları ilə yəqin ki, əməkdaşlıq edən Kürd Fəhlə Partiyası (PKK) üzvlərinin Azərbaycanın işğal olunmuş ərazilərində yerləşdirilmə ehtimalını istisna etmirik" - deyə cümə axşamı Bakıda Azərbaycan xarici işlər nazirinin müavini Araz Əzimov bildirib.
Türkiyənin İraqın şimalında hərbi əməliyyatlara başlamasından sonra, Türkiyə KİV-i Azərbaycanın işğal olunmuş ərazilərinə kürdlərin köçürülməsinə dair informasiyalar yaymağa başlayıblar.
Azərbaycan əvvəllər Ermənistandan ermənilərin Dağlıq Qarabağa köçürülməsi ilə bağlı məsələ qaldırıb.
"Yəqin ki, bu qüvvələr müəyyən məsələ ilə bağlı ümumi düşmənə qarşı ayağa qalxa bilərlər" - deyə Əzimov bildirib. O əlavə edib ki, terrorizmlə mübarizə üzrə beynəlxalq təcrübə mövcuddur və Azərbaycan birgə əməliyyatların mümkünlüyünü istisna etmir.
İki Cənubi Qafqaz ölkəsiarasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının 20%-i, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ ki nəticəsiz sülh danışıqları aparılır.