Azərbaycan, Bakı, 18 mart / Trend , müxbir R.Hafizoğlu /
"Ermənistanla aparılan bütün danışıqlar barədə Azərbaycan məlumatlandırılır və Terkiyə heç zaman Azərbaycanın maraqlarına zidd addım atmayacaq"- deyə çərşənbə günü jurnalistlərə Türkiyənin Azərbaycandakı səfiri Hulusi Kılıc deyib.
"Sərhədlərin açılması haqda məlumat ancaq KİV də yer alır. Türkiyənin Azərbaycana qarşı siyasəti dəyişmayib "-deyə səfir əlavə edib.
Türkiyə Ermənistanla hələ 1993-cü ildə kəsilmiş münasibətləri normallaşdırmağa çalışır. Yerevan tərəfindən başlanılmış uydurma söyqırımın tanınması ilə bağlı anti-türk kampaniyası və Azərbaycan torpaqlarının 20 faizinin Ermənistan tərəfindən işğal olunması diplomatik münasibətlərin dayandırılmasına səbəb olub.
Türkiyə prezidenti Abdulla Gül Ermənistan prezidenti Serj Sarkisyanın Yerevana, Ermənistan və Türkiyə milli komandaları arasında Dünya çempionatının seçmə qrup mərhələsinin oyunları çərçivəsində sentyabrın 6-da baş tutmuş futbol matçına gəlmək təklifini qəbul edib. Bu səfərdən sonra iki ölkə arasında münasibətlərin normallaşdırılması yolunda diplomatik səylər davam etdirilir.
Məqalə müəllifi ilə əlaqə ünvanı: [email protected]