Azərbaycan, Bakı, 19 yanvar / Trend , müxbir M.Əliyev/
Azərbaycanın Qaçqınların və Məcburi Köçkünlərin İşləri üzrə Dövlət Komitəsi məcburi köçkünlər tərəfindən qeyri-qanuni tutulmuş şəxsi evlərin boşaldılması barədə təklif hazırlayıb.
"Azərbaycanda 3 mini Bakıda olmaqla, 6 min məcburi köçkün şəxsi evlərdə qeyri-qanuni yaşayır", - çərşənbə axşamə Dövlət Komitəsinin sədri, Baş nazirin müavini Əli Həsənov jurnalistlərə deyib. Onun sözlərinə görə, bu evlərdən 300-400-ü təcili boşaldılmalıdır.
"Bu problem yarım il araşdırılıb və onların hansı şərtlərlə məskunlaşdığı hər bir ünvan müəyyən olunub. Biz öz təklifimizi hazırlamışıq və həmin problemi yüksək səviyyədə həll etməyə hazırıq", - Həsənov deyib.
Ermənistanın Azərbaycana qarşı təcavüzü nəticəsində təxminən 1 milyon azərbaycanlı məcburi köçkün olub.
Məqalə müəllifi ilə əlaqə ünvanı: [email protected]