Azərbaycan, Bakı, 15 aprel/Trend/
Ermənistan Silahlı Qüvvələrinin bölmələri aprelin 14-də saat 08:10-dan 08:20-dək və 15:00-dan 15:05-dək Ermənistanın İcevan rayonunun Berkaber kəndində yerləşən mövqelərindən Qazax rayonunun Qızılhacılı kəndində yerləşən mövqelərimizi; saat 09:25-dən 09:42-dək və 13:20-dən 13:40-dək Goranboy rayonu ərazisindəki Gülüstan kəndi yaxınlığında yerləşən adsız yüksəkliklərdəki mövqelərdən; aprelin 15-də saat 01:20-dən 01:40-dək Tərtər rayonunun Qızıloba kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Bu barədə Azərbaycan Müdafiə Nazirliyinin məlumatında deyilir. Bütün hallarda düşmən cavab atəşi ilə susdurulub. İtki yoxdur.