Azərbaycan, Bakı, 3 avqust /Trend, müxbir K.Zərbalıyeva/
Ermənistan silahlı qüvvələrinin bölmələri atəşkəs rejimini pozub.
Müdafiə Nazirliyi mətbuat xidmətinin çərşənbə axşamı yaydığı məlumata görə, düşmən hərbçiləri avqustun 2-də saat 23:20-dən 23:40-dək və 23:30-dan 23:55-dək Ağdam rayonunun Sarıcalı və Şıxlar kəndləri yaxınlığında yerləşən mövqelərdən; saat 22:50-dən 22:55-dək və avqustun 3-də saat 04:50-dən 05:20-dək Füzuli rayonunun Aşağı Əbdülrəhmanlı, Qorqan kəndləri və adsız yüksəkliklərdə yerləşən mövqelərdən Azərbaycan Silahlı Qüvvələrnin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub. İtki yoxdur.