Azərbaycan, Bakı, 14 oktyabr /Trend/
Ermənistan silahlı qüvvələrinin hərbi bölmələri atəşkəsi bir neçə istiqamətdə pozub.
Müdafiə Nazirliyi mətbuat xidmətinin cümə axşamı yaydığı məlumata görə, Ermənistan silahlı qüvvələrinin hərbi bölmələri oktyabrın 13-də saat 12:55-dən 13:00-dək Ermənistan Respublikası İcevan rayonunun Azatamut kəndində yerləşən mövqelərdən Qazax rayonunun Cəfərli kəndində yerləşən mövqelərimizi;
saat 07:40-dan 08:00-dək və 16:35-dən 17:00-dək Goranboy rayonu Gülüstan kəndi yaxınlığında və adsız yüksəkliklərdə yerləşən mövqelərdən;
saat 12:50-dən 13:00-dək, 15:45-dən 16:05-dək və 22:40-dan 22:50-dək Füzuli rayonunun Qaraxanbəyli və Horadiz kəndləri yaxınlığında yerləşən mövqelərdən; oktyabrın 14-də saat 04:00-dan 04:30-dək Xocavənd rayonu ərazisindəki adsız yüksəkliklərdə yerləşən mövqelərdən;
saat 04:00-dan 04:30-dək və 06:00-dan 06:05-dək Ağdam rayonunun Mərzili və Yusifcanlı kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub. İtki yoxdur.