Azərbaycan, Bakı, 27 yanvar /Trend/
Ermənistan Silahlı Qüvvələri növbəti dəfə atəşkəs rejimini pozub.
Azərbaycan Müdafiə Nazirliyinin mətbuat xidmətindən Trend-ə verilən məlumata görə, Ermənistan Silahlı Qüvvələrinin bölmələri yanvarın 26-da saat 07:00-dan 07:10-dək Göygöl rayonunun ərazisindəki adsız yüksəkliklərdə yerləşən mövqelərdən, saat 16:20-dən 16:40-dək Tərtər rayonunun Nəmirli kəndi yaxınlığında yerləşən mövqelərdən, saat 16:50-dən 16:55-dək, 18:25-dən 18:35-dək, yanvarın 27-də 00:20-dən 00:25-dək, 05:20-dən 05:23-dək və 05:40-dan 05:50-dək Ağdam rayonunun Baş Qərvənd, Şıxlar və Cəvahirli kəndləri yaxınlığında yerləşən mövqelərdən, yanvarın 26-da saat 21:35-dən 22:15-dək və yanvarın 27-də 05:17-dən 05:27-dək Füzuli rayonunun Aşağı Seyidəhmədli, Horadiz kəndləri yaxınlığında və adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub.