Azərbaycan, Bakı, 28 iyun /Trend, müxbir E.Mehdiyev/
ATƏT-in fəaliyyətdə olan sədrinin şəxsi nümayəndəsinin mandatına uyğun olaraq, iyunun 28-də Azərbaycanın Qazax rayonunun Məzəmli kəndinin 2,5 km şərq istiqamətindəki qoşunların təmas xəttində monitorinq insidentsiz ötüşüb.
Müdafiə Nazirliyinin mətbuat xidmətindən Trend-ə daxil olan məlumata görə, monitorinqi Azərbaycan tərəfdə ATƏT-in fəaliyyətdə olan sədrinin şəxsi nümayəndəsinin şəxsi köməkçi Uilyam Prayor və səhra köməkçisi Jiri Aberle keçiriblər.
Təmas xəttinin qarşı tərəfində isə monitorinqi ATƏT-in fəaliyyətdə olan sədrinin şəxsi nümayəndəsinin səhra köməkçiləri Antal Herdiç və Xristo Xristov keçiriblər.
Qeyd edək ki, son həftələr Ermənistan Silahlı Qüvvələri həmin istiqamətdə atəşkəs rejimini intensiv pozur.