...

Bakıda ABŞ konqresmenlərinin köməkçiləri ilə Dağlıq Qarabağ münaqişəsini müzakirə ediblər

Ermənistan-Azərbaycan münaqişəsi Materials 16 Avqust 2013 10:32
Milli Məclisin Beynəlxalq münasibətlər və parlamentlərarası əlaqələr komitəsinin üzvləri avqustun 15-də Amerika Birləşmiş Ştatları Konqres üzvlərinin köməkçiləri ilə görüşdülər.
Bakıda ABŞ konqresmenlərinin köməkçiləri ilə Dağlıq Qarabağ münaqişəsini müzakirə ediblər

Trend-i buradan izləyin

Azərbaycan, Bakı, 16 avqust /Trend/

Milli Məclisin Beynəlxalq münasibətlər və parlamentlərarası əlaqələr komitəsinin üzvləri avqustun 15-də Amerika Birləşmiş Ştatları Konqres üzvlərinin köməkçiləri ilə görüşdülər.

Trend Milli Məclisin rəsmi saytına istinadən xəbər verir ki, qonaqları salamlayan komitənin sədri Səməd Seyidov onlara ölkəmizlə bağlı ətraflı məlumat verib.

O, zəngin tarixi mədəniyyətə, təbii sərvətlərə sahib olan Azərbaycanın son illərdə qazandığı uğurlardan, əldə etdiyi nailiyyətlərdən, reallaşdırdığı mühüm layihələrdən və ölkəmizdə həyata keçirilən beynəlxalq tədbirlərdən geniş söz açıb.

Ermənistanın işğalçılıq siyasəti nəticəsində yaranmış Dağlıq Qarabağ münaqişəsindən ətraflı bəhs edən komitə sədri dedi ki, 20 ildən çoxdur Ermənistan Azərbaycanın Dağlıq Qarabağ ərazilərini və daha yeddi rayonunu işğal altında saxlayır.

S.Seyidov bölgə barədə dəqiq təsəvvür yaranması üçün Amerikalı qonaqlara işğal altında olan rayonları xəritədə göstərdi və bu ərazilərin Ermənistana heç bir aidiyyatı olmadığını bildirdi. Qeyd olundu ki, coğrafi baxımdan Azərbaycanla ABŞ bir-birindən uzaq məsafədə yerləşməsinə baxmayaraq, siyasi baxımdan münasibətlər getdikcə daha da yaxınlaşır. Parlamentdə geniş tərkibli dostluq qrupu fəaliyyət göstərir. Azərbaycanda insan hüquqlarına yüksək dəyər verilir, gender bərabərliyi təmin olunub.

Konqres üzvlərinin köməkçiləri Azərbaycana səfərləri çərçivəsində ölkəmizin müxtəlif tarixi yerləri ilə yaxından tanış olduqlarını və müxtəlif maraqlı görüşlər keçirdiklərini dedilər. Görüşdə iştirak edən digər millət vəkilləri Sevinc Fətəliyeva, Asim Mollazadə və Sahibə Qafarova qonaqların müxtəlif məsələlərlə bağlı suallarını da cavablandırdılar.

Məqalədə:
Xəbər lenti

Xəbər lenti