Azərbaycan, Bakı, 9 avqust /Trend, müxbir İlkin İzzət/
Azərbaycanın ictimaiyyət və KİV nümayəndələri cəbhə xəttində səngərdə olarkən erməni silahlı qüvvələri atəşkəs rejimini pozub.
Trend-in cəbhə bölgəsinə ezam olunan müxbirinin verdiyi məlumata görə, Ermənistan silahlı qüvvələri üzbəüz mövqelərdən Qazaxın Bala Cəfərli kəndi istiqamətindəki mövqelərimizi avtomat silahlardan atəşə tutub.
Atəşin pozulması faktını cəbhə xəttində vəziyyətlə tanış olmağa gələn Azərbaycanın ictimaiyyət və KİV nümayəndələri müşahidə ediblər.
Atışma zamanı həmin ərazidə Azərbaycan tərəfdən ölən və yaralanan olmayıb, düşmən cavab atəşi ilə susdurulub.