Bakı. Trend:
NATO-nun baş katibi Yens Stoltenberq tərəfləri Dağlıq Qarabağ münaqişənin yenidən gərginləşməsinə yol verməməyə çağırıb.
Trend-in məlumatına görə, bu barədə Yens Stoltenberq bəyanatında deyilir.
"Mən tərəfləri atəşkəsə hörmətlə yanaşmağa, təmkinlilik nümayiş etdirməyə və vəziyyətin yenidən gərginləşməsinə yol verməməyə çağırıram", - deyə bəyanatında qeyd olunub.
Stoltenberq bildirib ki, NATO ATƏT-in Minsk qrupunun səylərini dəstəkləyir.
"Tərəflər danışıqlar masasına dönməli və məsələnin tam həlli yollarını axtarmalıdırlar. Münaqişənin hərbi həll yolu yoxdur", - deyə NATO baş katibi bildirib.