Başda ATƏT-in Minsk qrupunun həmsədri Yuri Merzlyakovun rəhbərlik etdiyi Rusiya XİN-nin nümayəndə heyəti Bakıya iyulun 10-da gələcək. Bu barədə Trend ə Rusiya XİN-nin Dağlıq Qarabağ münaqişəsi üzrə Qrupundan məlumat veriblər.
İyulun 10-11-də Bakıda ölkə rəhbərliyi ilə, eləcə də Azərbaycan prezidenti İlyam Əliyev, xarici işlər naziri Elmar Məmmədyarov, Dağlıq Qarabağın azərbaycanlı icmmasının rəhbəri Nizami Bəhmənovla görüşün keçiriləcəyi keçiriləcəyi ehtimal olunur. Danışıqlarda Minsk Qrupunun fransalı həmsədri Bernar Fasye və amerikalı həmsədr Stiven Mann da iştirak edəcək. Missiya Bakıdan analoji məsləhətləşmələrin keçiriləcəyi Yerevana, daha sonra isə Xankəndinə yola düşəcək. Səfərin iyulun 16-da başa çatacağı gözlənilir.
Yuri Merzlyakov "Reqnum" agentliyinə verdiyi s müsahibəsində bildirib ki, Dağlıq Qarabağ münaqişəsinin nizamlanması üzrə ATƏT-in Minsk Qrupunun həmsədrləri avqustun 26-da Kazanda Ermənistan və Azəçrbaycan prezidentlərinə Praqa danışıqlar prosesinin gedişində hazırlanmış sənədi nəzərdən keçirmək üçün təqdim edəcəklər. Bu zaman rusiyalı diplomat bu sənədin detallarını konkretləşdirməyib və yalnız "Kazanda görüşmək üçün hələ o vaxtadək yaşamaq lazımdır" deməklə kifayətlənib. Ermənistan və Azərbaycan prezidentləri Robert Köçəryan və İlham Əliyevin avqustun 26-27-də Kazanda keçiriləcək MDB-nin qeyri-formal sammitində görüşü planlaşdırılıb.