Avqustun 31-də Qubadlının işğalının 12-ci ildönümü ilə əlaqədar Şəhidlər Xiyabanı ziyarət olunacaq, anma mərasimi keçiriləcək. Bu barədə Trend ə Qarabağ Azadlıq Təşkilatından (QAT) məlumat verilib.
Avqustun 31-də saat 11.00-da QAT-ın üzvləri, qaçqın və məcburi köçkünlər, şəhid ailələri, həmçinin ictimai-siyasi təşkilatların nümayəndələri Şəhidlər Xiyabanına toplaşacaq, şəhidlərin məzarını ziyarət edəcəklər. Qubadlı və işğal edilmiş digər rayonların azadlığı uğrunda mübarizədə həlak olmuş şəhidlərin xatirəsi yad ediləcək, bu mövzuda çıxışlar olacaq.
Qeyd edək ki, 1993-cü il avqustun 31-də Qubadlı şəhəri erməni işğalçılarının tam nəzarətinə keçib.
