"Fevralın 10-11-də Azərbaycan və Ermənistan prezidentlərinin Rambuyedə keçirilmiş görüşündə Dağlıq Qarabağ münaqişəsinin nizama salınmasına dair heç bir razılaşma əldə olunmasa da, Ermənistan tərəfi bu istiqamətdə danışıqların uzadılması faktını müsbət qiymətləndirir". Trend in "Mediamaks" agentliyinə istinadən xəbər verdiyi kimi, bu barədə Ermənistan prezidentinin mətbuat katibi Viktor Soqomonyan bəyan edib.
O, Rambuye görüşü zamanı Ermənistan prezidenti Robert Koçaryanla ABŞ-ın dövlət katibi Kondoliza Rays arasında münaqişənin nizama salınmasının perspektivlərinin müzakirəsinə dair telefon söhbətinin olduğu ilə bağlı məlumatı təsdiqləyib.