Ermənistan Silahlı Qüvvələri növbəti dəfə atəşkəsi pozub. Azərbaycanın Müdafiə Nazirliyinin mətbuat xidmətindən Trend ə verilən xəbərə görə, avqustun 24-də Ermənistan Silahlı Qüvvələrinin bölmələri Xanlar rayonunun Qamış dağının 0,7 km cənub-şərqində və 1,5 km şimal -qərbində yerləşən mövqelərindən Azərbaycan silahlı qüvvələrinin üzbəüz mövqelərini atəşə tutub. Avtomat və pulemyotlardan açılan atəş saat 19.50-dən saat 20.15-dək davam edib. Cavab atəşi ilə düşmən susdurulub. İtki yoxdur.