Bu gün Yerevanda Beynəlxalq Qırmızı Xaç Komitəsinin nümayəndələri yenidən hərbi əsir, kiçik serjant Samir Məmmədovla görüşüblər. Bu barədə Trend ə Beynəlxalq Qırmızı Xaç Komitəsinin mətbuat xidmətindən bildiriblər.
Görüşdə S.Məmədova qohumlarının növbəti məktubu təqdim edilib.
S.Məmmədov Qazax rayonunun sərhəd hissələrində xidmət edib və ermənilər tərəfindən dekabrın 23-də Qazax rayonu və Ermənistanın İcevan rayonu sərhədində hərbi hissədən 15 km aralıda - neytral ərazidə əsir götürülüb. Əsir götürülərkən onun üzərində silah və hərbi sursat olmayıb. S.Məmmədov əsirlikdə olduğu bütün müddət boyu Yerevanda saxlanılır.
Qeyd edək ki, S.Məmmədovdan sonuncu məktub fevralın 6-da alınıb. S.Məmmədovla görüşün təfsilatı barədə hələ məlumat yoxdur.