Azərbaycan, Bakı / Trend müxbir E.Hüseynli/ Qeyri-sabit hava şəraitinə görə, Azərbaycanın hərbi hissələri xüsusi rejimə keçib. Müdafiə Nazirliyinin mətbuat xidmətindən Trend ə bildiriblər ki, əlverişsiz hava şəraiti olduğundan və temperatur aşağı düşdüyündən, əsgərlərin təhlükəsizliyi üçün hərbi hissələrə lazımı göstərişlər verilib.
Son 3 gündə Azərbaycanda temperatur aşağı düşüb və güclü qar müşayiət olunur. Ölkənin cənub və şimal refionlarında qarın hündürlüyü yarım metrə çatıb. Paytaxt Bakıda da dumanlı və güclü qar qeydə alınıb. Yollar buz bağladığından, nəqliyyat vasitələrinin hərəkəti iflic vəziyyətinə düşüb. Sioptiklər qeyri-sabit hava şəraitinin bir neçə gün də davam edəcəyini bildiriblər.
Mətbuat xidmətindən hərbi hissələrə verilən göstərişlərin detalları barədə əlavə məlumat verilməyib.