Azərbaycan, Bakı / "Trend , müxbir D.Xatınoğlu/ İran əhalisinin, ölkənin indiki hakimiyyətinin siyasətinə baxmayaraq, ABŞ-la əlaqələrin bərpasına marağı artıb. "Ölkə əhalisi bu istəyi həyata keçirmək üçün parlament seçkilərində İran-ABŞ arasında əlaqələrin bərpasını dəstəkləyən namzədlərə səs verəcək" - İran politoloqu İsa Səhərxiz hesab edir.
Iranda fevrala təyin olnmuş Parlament seçkisi öncəsi iqtidar və müxalifət nümayəndələri müxtəlif variantlarla Vaşinqton-Tehran arasında siyasi münasibətlərin bərpası barədə bəyanatlarla çıxış edirlər. İranın İRNA Agentliyiynin yanvarın 6-da verdiyi məlumata əsasən, ölkənin dini rəhbəri Əli Xamenei onlara alternativ olaraq bildirib ki, iki ölkə arasında diplomatik əlaqələrin bərpası hələlik İrana ziyandır və bu münasibətlərin nə zaman bərpa olunacağını, məhz o özü müəyyənləşdirəcək.
Səhərxiz bazar ertəsi Tehrandan telefonla Trend ə bildirib ki, iki ölkə arasında münasibətlərin bərpası parlamentin iradəsindən asılı olacaq. "Prezident səviyyəsində bu müzakirələrin bərpası üçün verilən vədlər absurddur, çünki, Xamenei son bəyanatında bildirib ki, onun izni olmadan, iki ölkə arasında diplomatik əlaqələr yaradılmayacaq və bu məsələ prezidentlik deyil. Yəni, İran prezidentinin bu barədə verdiyi populist vədlər absurddur. İki ölkə arasında siyasi münasibətlərin bərpası yalnız Milli Məclisin səlahiyyətlərindədir və dini rəhbər də Parlamentin qərarına qarşı çıxa bilməz.
İranlı politoloqun fikrincə, islahatçı və demokratik qüvvələr bu münasibətlərin bərpasını şüar kimi səsləndirirlər, xalqsa, həqiqətən, əməldə bunu tələb edir.
İranın islahatçi qüvvəyə mənsub olan digər siyasi fəalı Behzad Əbdi isə bildirib ki, İranda keçiriləcək Parlament seçkisində islahatçı namzədlərin əksəriyyət təşkil edəcəyi yaxud onların İran-ABŞ əlaqələrinin bərpasını dəstəkləyəcəkləri barədə konkret proqnoz vermək olmaz. Həmçinin, Xameneinin istəyinə zidd addım ata biləcəkləri də reallığa uyğun deyil. İslahatçılar, ən uzağı. iki ölkə arasında yaranmış münaqişələri səngidə bilər " - deyə, Əbdi bildirib.