Azərbaycan, Bakı, 14 yanvar / Trend , müxbir C.Babayeva / Bakı kəndləri və "Mənəviyyat" Bakı İctimai Birliyinin təsis qurultayına fəal hazırlıq görulur. Bu barədə bazar ertəsi Azərbaycan Ziyalılar Birliyinin sədri Eldəniz Quliyev Trend ə bildirib.
"Azərbaycan adına" İctimai Forumun rəhbəri Eldar Namazov, Milli Məclisin keçmiş deputatı Hacıbaba Əzimov, "Ziyalılar" İctimai Birliyin sədri Eldəniz Quliyev, Azərbaycanın Yaşıllar partiyasının sədri Mayis Güləliyev və Azərbaycanın digər ictimai xadimləri dekabrın 28-də "Mənəviyyat" -Bakı kəndləri və Bakı İctimai Birliyinin yaranması haqqında ərizə imzalayıblar.
Sənədi 37 ziyalı, dini xadimlər, Bakı və Bakı kəndləri ağsaqqalları imzalayıblar. Birliyin məqsədi - əxlaqi dəyərləri qorumaqdır.
Quliyevin sözlərinə görə, Bakı kəndlərinin ziyalı nümayəndələri və dini xadimləriylə görüş keçirilir.
"Mənəviyyat" İctimai Birliyinin təsis qurultayını martda keçirmək nəzərdə tutulub.
