Azərbaycan, Naxçıvan, 30 yanvar / Trend , müxbir E.Məmmədov/Naxçıvanda Dövlət Yol Polisinin (DYP) patrul xidmətinə yeni avtomobillər verilib. Bu barədə Trend in bölgə müxbirinə Naxçıvan Muxtar Respublikasının Daxili İşlər Nazirliyindən məlumat verilib.
Məlumatda bildirilir ki, Naxçıvanda dövlət yol polisinin patrul xidməti üçün 8 ədəd "BMW" markalı avtomobil alınıb. Avtomobillərin təqdimat mərasimində iştirak edən Naxçıvan MR Ali Məclisinin sədri Vasif Talıbov muxtar respublikada yol hərəkətinin tamamilə qayda-qanun əsasında idarə olunması, yol hərəkəti hadisələrinin minimuma endirilməsi və qarşısının alınması üçün yol polisinin patrul xidmətinin nəzarətinin gücləndirməsinin vacibliyini vurğulayıb.
Yüksək sürət, manevr qabiliyyəti olan avtomobillərdə qurulmuş müasir rabitə sistemi mərkəzlə, eyni zamanda rayonlarla birbaşa əlaqə saxlamağa imkan verəcək.
