Azərbaycan, Bakı, 11 fevral/ Trend , müxbir K.Ramazanova/ Ukraynanın Müdafiə Nazirliyi Azərbaycan HHQ-nin MiQ -29 təyyarəsinin qəzaya uğraması səbəblərinin araşdırılmasına qoşulmağa hazır olduğunu bildirib. Təyyarə 14 gün əvvəl qəzaya uğrayıb. Pilotların cəsədləri və təyyarənin qalıqları hələ də tapılmayıb.
"Azərbaycan tərəfindən bu məqsədlə, hələ ki, sorğu gəlməyib" - bazar ertəsi Ukraynanın Müdafiə Nazirliyinin mətbuat xidmətindən Trend -ə bildiriblər.
Yanvarın 29-da Azərbaycan Müdafiə Nazirliyi Hərbi Hava Qüvvələrinin MiQ -29 qırıcısı təlim uçuşları keçirilərkən qəzaya uğrayıb. Nəticədə, təyyarədə olan hər iki pilot həlak olub. Azərbaycanın Fövqəladə Hallar Nazirliyinin cəsədlərin və təyyarənin tapılması üçün etdiyi cəhdlər hələ ki, nəticəsizdir. Bu gün axtarışlara daha iki dövlət idarəsi - Azərbaycanın Dövlət Neft Şirkəti və Dövlət Sərhəd Xidməti qoşulub.
Ötən il Azərbaycan HHQ-i Ukraynanın təkmilləşdirdiyi MiQ -29 təyyarələri alıblar.
MiQ təyyarələri Rusiyada istehsal olunur. Rusiyanın təyyarə tikintisi korporasiyası MiQ-in ictimai əlaqələr İdarəsinin rəisi Yelena Lvova əvvəllər Trend -ə qəzanın səbəbinin köhnəlmiş texnikanın satışı və istismarı ola biləcəyini söyləyib.
Lvova istehsalçıların dəfələrlə təkmilləşdirmə prosesinə MiQ şirkətinin təyyarə hazırlayanını cəlb etmək məsələsini qaldırdıqlarını qeyd edib. "Biz yalnız o zaman hər hansı bir məsuliyyət daşıyırıq",-zavodun nümayəndəsi bildirib.
Azərbaycan Müdafiə Nazirliyindən digər ölkədən mütəxəssislərin cəlb edilməsinə, hələ ki, ehtiyac görmürlər. " Ehtiyac yaranarsa, biz onları dəvət edəcəyik",-mətbuat xidmətinin rəhbəri Eldar Sabiroğlu bildirib.
Azərbaycan HHQ-nin hava sərhədlərini qorumaq üçün istifadə etdiyi MiQ -29 təyyarələri təlim uçuşları zamanı Rusiya, Malayziya, Peru, Slovakiya və Ermənistanda qəzaya uğrayıb.
MİQ-29 təyyarəsi Rusiya istehsalıdır və 1971-ci ildən istehsal olunur. Təyyarənin uzunluğu 14.8 metr, qanadlarının uzunluğu 11.4 metr, hündürlüyü 4.3 metrdir. Təyyarənin hərbi sursatla birgə çəkisi 15 min 300 kiloqramdır. Maksimal sürət 2400 kilometr/saatdır. Təyyarə maksimum 18 min metr yüksəkliyə qalxa və 2100 kilometr məsafəni qət edə bilir. Onun dəqiqədə 1500 atəş aça bilən 30 millimetrlik QŞ-301 tipli topu var. Təyyarə İR-60 tipli raketlərlə təchiz edilib. MİQ-29 230-240 kilometrdən hava hədəflərini məhv etmək qabiliyyətinə malikdir.
Müəlliflə əlaqə saxlamaq üçün elektron ünvan : [email protected]
