Azərbaycan, Bakı, 14 fevral / Trend , müxbir S.İlhamqızı/ İFES, Avropa Şurasının birgə təşkilatçılığı ilə, ötən iln noyabrın 7-8-9-da Bakıda keçirilmiş seçki komissiyalarının tərkibinin müzakirəsinə dair konfransın yekunları haqqında hesabat dərc olunub. Hesabat cümə axşamı Trend ə təqdim olunub.
Jurnal şəklində çap olunan hesabatda 7-8-9 noyabr tarixindəki konfransın gündəliyi, iştirakçıları, aparılan müzakirələr, seçki komissiyalarının tərkibində dair siyasi partiyalar tərəfindən irəli sürülmüş təkliflər barədə məlumatlar dərc olunub.
Nəticə hissəsində bildirilir ki, üçgünlük konfrans maraqlı tərəflərə öz fikirlərini söyləmək, digərlərini dinləmək, sivil debat aramaq imkanı verdi: "Dəyirmi masanın nəticələri və müzakirələrdən irəli gələn təkliflər Seçki Məcəlləsinə dəyişikliklərini nəzərdə tutan qanun layihəsini hazırlayan mütəxəssislərə və Milli Məclisə təqdim olunacaq"-deyə hesabatda bildirilir.
Azərbaycanın Mərəkəzi Seçki Komissiyasının tərkibi (18 nəfər) 6 nəfər parlamentdə çoxluq təşkil edən partiyanın, 6-sı azlıqda qalan partiyaların, 6-sı isə, bitərəf deputatların nümayəndələrindən ibarət formalaşıb.
Azərbaycanın müxalifət partiyaları seçki komissiyalarının tərkibinin dəyişdirilməsini, komissiyaların iqtidarın nəzarətindən çıxarılmasını tələb edirlər. Hakim Yeni Azərbaycan Partiyasında isə, hesab edirlər ki, seçki komissiyalarının indiki tərkibinin dəyişdirilməsinə ehtiyac yoxdur və bu tərkib ən ideal variantdır.
Müəlliflə əlaqə saxlamaq üçün elektron ünvan - [email protected]
