...

Daxili işlər orqanlarının orta rəis heyəti vəzifələrində xidmətə qəbul üçün imtahan keçirilib

Siyasət Materials 28 Fevral 2008 10:20 (UTC +04:00)

Azərbaycan,Bakı,287 fevral / Trend , müxbir K. Zərbalıyeva/ Daxili işlər orqanlarının orta rəis heyəti vəzifələrində xidmətə qəbul olunmaq istəyənlər test imtahanı verib.

Müsabiqə Astara, Ağsu, Qazax, Qəbələ, Cəlilabad, Zərdab, Lerik, Mingəçevir, Tovuz, Ucar, Xızı şəhər, rayon polis şöbələrində cinayət axtarış üzrə əməliyyat müvəkkili, Astara, Ağstafa, Beyləqan, Biləsuvar, Qax, Qəbələ, Cəlilabad, Zərdab, İsmayıllı, Lerik, Oğuz, Samux, Ucar, Xaçmaz, Şamaxı, Şəki şəhər, rayon polis şöbələrində polis sahə inspektoru, Astara, Ağdaş, Beyləqan, Daşkəsən, Zaqatala, Zərdab, Mingəçevir, Xızı, Şəmkir, Şəki şəhər, rayon polis şöbələrində yetkinlik yaşına çatmayanlarla profilaktiki işin təşkili üzrə inspektor vəzifələri üzrə aparılır.
Tələbə Qəbuku üzrə Dövlət Komissiyasından cümə axşamı Trend ə bildirilib ki, namizədlərdən 50-si müsabiqə şərtini ödəyərək müsahibəyə buraxılıb. İmtahanda ən yüksək nəticə 91 bal olub.

Müsabiqədə iştirak etmək üçün 103 nəfərin namizədliyi qeydə alınıb.
Namizədlər 3 saat müddətində 100 sualı cavablandırıb. Suallardan 80-i ali hüquq təhsili proqramına, daxili işlər orqanlarının fəaliyyətini tənzimləyən qanunvericiliyə və insan hüquq və azadlıqlarına dair beynəlxalq normalara aid sahələrə, 20 sual isə namizədlərin şəxsi keyfiyyətlərinin, o cümlədən ümumi intellektual səviyyəsinin və dünyagörüşünün qiymətləndirilməsinə yönəlmiş suallar olub.Test imtahanında 65 və daha çox bal toplayan namizədlər müsabiqənin yekun mərhələsinə - müsahibəyə buraxılırlar.
Bu, daxili işlər orqanlarının vakant vəzifələrinə xidmətə qəbulla bağlı keçirilən ilk imtahan deyildir. Artıq bundan əvvəl iki dəfə keçirilmiş test imtahanlarının nəticələrinə görə 98 nəfər müvafiq orqanların orta rəis heyəti vəzifələrində xidmətə qəbul olunub.

Xəbər lenti

Xəbər lenti