Azərbaycan, Bakı, 03 mart / Trend , müxbir S.Ağayeva / Medvedyevin Azərbaycana münasibəti çox yaxşıdır. Bu barədə bazar ertəsi jurnalistlərə Azərbaycan XİN-nin mətbuat katibi Xəzər İbrahim bildirib.
"Azərbaycan-Rusiya münasibətləri ən yüksək səviyyədədir və biz Rusiyanın yeni prezidenti ilə bu münasibtləri daha da yüksəltməyə çalışacağıq" - deyə İbrahim bildirib.
Martın 2-də Rusiyada prezident seçkiləri keçirilib. Səslərin 70.1 faizini toplayan Dmitri Medvedyev yeni prezident seçilib. Medvedyev Rusiyanın Azərbaycandakı səfirliyində keçirilən səsvermədə də birinci yeri tutub.