...

Azərbaycan Minsk qrupunun digər beynəlxalq təşkilatla əvəzlənməsi məsələsini nəzərdən keçirmir – XİN-in mətbuat katibi

Siyasət Materials 19 Mart 2008 15:10 (UTC +04:00)

Azərbaycan, Bakı, 19 mart/ " , müxbir S.Ağayeva/ Azərbaycan hazırda danışıqlar formatının dəyişdirilməsi və Minsk qrupunun digər beynəlxalq təşkilatlarla əvəzlənməsi məsələlərini nəzərdən keçirmir.

"ATƏT-in Minsk qrupunun həmsədr ölkələrinin BMT Baş Assambleyasında "Azərbaycanın işğal edilmiş ərazilərində vəziyyət haqqında" Qətnamə üzrə səsvermədə əleyhinə səs vermələrinə baxmayaraq, Azərbaycan hələ ki, həmsədrlərlə işləməyi davam etdirmək niyyətindədir" - bu barədə Azərbaycan XİN-in mətbuat katibi Xəzər İbrahim çərşənbə günü jurnalistlərə məlumat verib.

"Həmsədrlərin qətnaməyə münasibətdə hərəkətləri anlaşılmaz və səhvdir. Bir tərəfdən həmsədrlər Azərbaycanın ərazi bütövlüyünü dəstəkləyir, digər tərəfdən isə ərazi bütövlüyünün tanınması prinsipinin müəyyən edildiyi qətnaməyə qarşı çıxırlar" - o bildirib.

O, belə mövqeyin onların işinə mənfi təsir göstərəcəyini istisna etməyib. Məlum olduğu kimi, parlament üzvləri və Azərbaycan ictimaiyyətinin nümayəndələri artıq erməni-Azərbaycan münaqişəsinin nizamlanması üzrə danışıqlarda Minsk qrupu formatının digər beynəlxalq təşkilata, o cümlədən BMT-yə dəyişdirilməsi tələbi ilə çıxış edirlər. "Həmsədr ölkələr öz mövqelərini ciddi şəkildə nəzərdən keçirməli və nizamlama prosesinə mane olmayan, əksinə, regionda sülh və sabitliyin bərpa edilməsinə yardım edən addımlar atmalıdırlar" - mətbuat katibi bildirib.

İki Cənubi Qafqaz ölkəsiarasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının 20%-i, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ ki nəticəsiz sülh danışıqları aparılır.

Xəbər lenti

Xəbər lenti