Azərbaycan, Bakı, 14 aprel / Trend , müxbir S.İlhamqızı/ Müxalifətçi Azərbaycan Milli İstiqlal Partiyasının (AMİP) sədrliyinə iddialıların sayı artıb, partiyanın təbilğat və mətbuat katibi Əli Orucovun sədrliyə namizədliyi irəli sürülüb. Bu barədə Trend a Əli Orucov məlumat verib.
AMİP-in sədri Ayaz Rüstəmov ötən ilin sonu vəzifəsindən istefa verib. Partiyanın yeni sədrini seçmək üçün aprelin 20-də AMİP-in növbədənkənar qurultayı keçiriləcək.
Sədrliyə iki nəfər - AMİP-in Nərimanov rayon təşkilatının sədri Ələddin Əsgərov və Goranboy rayon təşkilatının sədri Fəqan Məhərrəmli namizəd olacağını bildiriblər.
Partiyanın Binəqədi rayon təşkilatının İdarə Heyətinin dünən keçirilən iclasında AMİP-in təbliğat və mətbuat katibi Orucovun sədrliyə namizədliyi irəli sürülüb, bununla əlaqədar Siyasi Şuraya müraciət ünvanlanıb.
Orcuov təşəbbüsü müsbət qarşılayıb və namizəd olmağa razılıq verib. Bununla AMİP-in sədr postu uğrunda mübarizə aparacaq şəxslər hələlik üç nəfərdir.
Müəlliflə əlaqə saxlamaq üçün elektron ünvan - [email protected]