Azərbaycan, Bakı, 14 aprel/ Trend , müxbir İ.Əlizadə/ Azərbaycan Müdafiə Nazirliyi Silahlı Qüvvələrin əsgərinin ermənilərə əsir düşməsi ilə bağlı məlumatı təsdiq etməyib. "Azərbaycan Silahlı Qüvvələrinin əsgəri Vüsal Heybətov əsir düşməyib və ermənilərin bununla bağlı yaydıqları məlumat cəfəngiyatdır", - deyə bazar ertəsi Trend a açıqlamasında Müdafiə Nazirliyinin mətbuat xidmətinin rəisi, polkovnik-leytinant Eldar Sabiroğlu bildirib.
Ermənistanın "Mediamaks" Agentliyinin yaydığı məlumata görə, Azərbaycan Milli Ordusunun əsgəri Vüsal Heybətov aprelin 11-də ermənilərə əsir düşüb. Həmin məlumata görə, hadisə Azərbaycan-Ermənistan qoşunlarının Ağdam rayonunun Yusifcanlı kəndi ərazisində yerləşən təməs xəttində baş verib.
Məqalə müəllifi ilə əlaqə ünvanı: [email protected]