Fransa, Strasburq, 15 aprel / Trend , müxbir A.Məhərrəmli, S.İlhamqızı/ Azərbaycanın Avropa Şurası Parlament Assambleyasındakı nümayəndə heyətinin üzvü Qənirə Paşayeva Avropa Surası Nazirlər Komitəsinin sədri Jan Kubişə yazılı sorğu ünvanlayıb.
Müraciətdə bildirilir ki, Ermənsitandakı prezident seçkiləri Azərbaycanın işğal olunmuş ərzailərində - Dağlıq Qarabağ, Laçın və Kəlbəcərdə də keçirilib. Əlavə edilib ki, beynəlxalq təşkilatların və ictimai rəyin seçkilərdən az sonra elan olunan fövqəladə vəziyyətə ciddi reaksiyasından sonra ( fövqəladə vəziyyətin elan olunması beynəlxalq ictimaiyyətin diqqətini yayındırmaq məqsədi daşıyırdı), Ermənistan hökuməti təxribatçı tədbirlərə əl atdı: "Bu hərəkətlər bütün region üçün böyük təhlükə yaradır. 4 martda erməni silahlı birləşmələri işğal olunmuş Azərbaycan ərazilərində yerləşən postlarında atəşkəs rejimini pozaraq, Azərbaycan Silahlı Qüvvələri və mülki vətəndaşlarına hücum etdilər. Bu hücumun qarşısının alınmasına baxmayaraq, gərginlik hələ də davam edir"-deyə millət vəkili bildirir.
Paşayeva xatırladıb ki, bu yaxınlarda BMT Baş Assambleyası Azərbaycanın işğal olunmuş ərazilərindəki vəziyyətə dair Qətnamə qəbul edib. Azərbaycanın ərazi bütovlüyü bu sənəddə bir daha təsdiq olunub və Ermənsitandan işğal olunmuş əraziləri boşaltmağı tələb edir.
Lakin Ermənistanın rəsmi mövqeyinə görə, Ermənistan Parlamentindəki müzakirələr zamanı rəsmi Yerevan Dağlıq Qarabağ münaqişəsinin həllini sülh müqaviləsinin Dağlıq Qarabağın Ermənistana birləşdirilməsinin mümkünlüyünü nəzərdə tutduğu halda qəbul edəcəyi qeyd olunub.
"Avropa Surası Nazirlər Komitəsinin sədri kimi və Nazirlər Komitəsinin bütün üzvləri Dağlıq Qarabağ münaqişəsinin həll olunmasına yox, gərginliyin yenidən alovlanmasına gətirib cıxaran Ermənistanın tutduğu mövqedən narahatlıq hissi keçirirmi? Vəziyyətin gərginləşməsinin qarşısını almaq ücün hansı tədbirlərin görulməsi nəzərdə tutulur?"-deyə Paşayeva sorğusunda bildirib.
Müəlliflə əlaqə saxlamaq üçün elektron ünvan - [email protected]