Azərbaycan, Bakı, 25 aprel/ Trend , müxbir S.İlhamqızı/ Jurnalistlər oktyabrın 15-də keçiriləcək prezident seçkisində əvvəldən sonadək müşahidə apara biləcəklər. Bu barədə cümə günü jurnalistlərə Mərkəzi Seçki Komissiyasının sədri Məzahir Pənahov bildirib.
"Jurnalistlər hətta səslərin sayılması prosesində iştirak edə biləcəklər", deyə Pənahov əlavə edib.
Pənahov əvvəlki seçkilərdə seçki məntəqələrində jurnalistlərərin hüquqlarının məhdudlaşdırılmasına münasibət bildirib. O qeyd edib ki, seçki zamanı jurnalistlərə heç bir müstəsna hüquqlar verilməməli, həmçinin onlara təzyiq də göstərilməməlidir.
"Seçkidə müəyyən çatışmazlıqlar hər yerdə və hər zaman olub və olacaq da. Heç bir ölkə deyə bilməz ki, seçkilər nöqsansız keçir", deyə MSK sədri bildirib.
