Azərbaycan, Bakı, 10 may / " müxbir A. Qasımova/ Azərbaycan tərəfindən NATO-nun Fərdi Fəaliyyət Planının (IPAP) qəbulu bizim münasibətlərimizi daha yüksək səviyyəyə çatdırıb. NATO Baş katibinin Cənubi Qafqaz və Mərkəzi Asiya üzrə xüsusi nümayəndəsi Robert Simmons hesab edir.
"Biz IPAP-ın həyata keçirilməsi sahəsində Azərbaycanın tərəqqisindən razıyıq, mən NATO əməliyyatlarında Azərbaycanın iştirakını xüsusilə qeyd etmək istəyirəm", - deyə Simmons cümə günü Trend a elektron poçtla bildirib.
Xüsusi nümayəndə hesab edir ki, Azərbaycan ölkənin səy göstərdiyi əldə olunmayan standartların mövcud olduğu müxtəlif sahələrdə hələ çox işlər görməlidir. "Bu kimi geniş miqyaslı proseslərin iki-üç il ərzində başa çatağacını gözləmək real olmazdı, uğurun əldə olunması planlaşdırma, təhsil, siyasi islahatlar, şəffaflığın təmin edilməsi kimi müxtəlif sahələrdə uzunmüddətli islahatlar prosesi tələb edir və biz bütün bu sahələrdə gələcəkdə də Azərbaycanı dəstəkləyəcəyik", - deyə Simmons vurğulayıb.
"Bizim tərəfimizdən Azərbaycanla birlikdə islahatlar üçün perspektivlər planının şərh olunduğu yaxşı və genişmiqyaslı ikinci IPAP sənədi hazırlanıb və razılaşdırılıb", - deyə xüsusi nümayəndə bildirib.
Simmonsun sözlərinə görə, Azərbaycan NATO-ya və ona üzv dövlətlərə, Alyans Əfqanıstanda iştirak etdiyi dövrdən maddi-texniki yardım göstərir. "Biz həmişə Əfqanıstanda Beynəlxalq Təhlükəsizliyə Yardım Qüvvəlləri Kontingentinə maddi-texniki dəstəyi yaxşılaşdırmağın üsullarını axtarırıq və bunun üçün müxtəlif ölkələrlə bu qoşunlara yüklərin təkcə hava ilə deyil, həmçinin, quru ilə də çatdırılmasında onların hansı formada kömək edə biləcəkləri barədə danışıqlar aparırıq", - deyə Simmons bildirib.
O qeyd edib ki, regionda quru nəqliyyatının əlverişliliyi və coğrafi vəziyyəti baxımından Azərbaycan bizim bu məsələni müzakirə etdiyimiz ölkələrdən biridir.
"Azərbaycan Beynəlxalq Təhlükəsizliyə Yardım Qüvvəlləri təyyarələrinin uçuşuna icazə verib. Bu NATO-nun Əfqanıstandakı əməliyyatlarına Azərbaycan tərəfindən verilən mühüm töhfədir. Biz Azərbaycanın bu sahədə əməkdaşlığı davam etdirməsini yüksək qiymətləndiririk", - deyə Simmons əlavə edib.