Azərbaycan, Bakı, 20 may / Trend , müxbir S.Ağayeva / Azərbaycan və Yaponiya siyasi və iqtisadi sahədə əməkdaşlığı fəallaşdırmaq niyyətindədir. Əməkdaşlıq perspektivlərinin Yaponiyanın Baş naziri Yasuo Fukudanın Azərbaycana rəsmi səfəri zamanı müzakirə olunacağı planlaşdırılır. Bu haqda Azərbaycanın Tokiodaki səfirliyindən çərşənbə axşamı bildirilib.
Baş nazirin səfəri payız-qış aylarına planlaşdırılıb. Danışıqlar zamanı iki ölkə arasında əməkdaşlığın müxtəlif istiqamətlərinin müzakirə olunacağı gözlənilir. Azərbaycan Yaponiya ilə əlaqələrin genişləndirilməsinə hər zaman maraq göstərib, Yaponiya şirkətləri müxtəlif sahələrə sərmayələr yatırmaq üçün dəvət edilib.
Artıq bir neçə ildir ki, Yaponiya hökuməti başçısının Azərbaycana səfəri gözlənilir. Lakin ölkə hökumətinin tez-tez dəyişməsi səbəbindən səfər təxirə salınırdı.
Müəlliflə əlaqə saxlamaq üçün elektron ünvan: [email protected]
