Gürcüstan, Tbilisi, 09 iyun / Trend , N.Kirtsxaliya/ Gürcüstanın "Vahid Milli Hərakat" iqtidar partiyası müxalifətin hakimiyyət ilə siyasi dialoquna istiqamətlənmiş addımlarını alqışlayır. "Müxalifət həmkarlarımız özlərində dialoq üçün güc tapıb rəhbərlik ilə əməkdaşlıq etmək istəklərini bildirsələr, burada qəbahətli bir şey yoxdur. Bu prosesi yalnız alqışlamaq olar", - deyə Trend -a iqtidarda olan partiya liderlərindən biri- Pavle Kublaşvili bildirib.
Bu gün Qiorqi Çaqareişvili, Qiya Tortladze, bir neçə gün əvvəl isə, Paata Davitaya, Dmitri Lordkipanidze Birləşmiş müxalifətdən getdiklərini bəyan edib. Öz növbəsində, "Biz özümüz" partiyasının lideri Paata Davitaya, "Kartuli Dasi" partiyasının lideri Condi Baqaturiya, müxalifət nümayəndələri Qiya Çaqareişvili və Qiya Tortladze və Birləşmiş müxalifə daxil olan bir neçə şəxs deputat mandatından imtina etməkdən daşınıblar.
"Vahid Milli Hərakat"-ın Baş katibi Zurab Melikişvili Birliyin sıralarını tərk etməsi qərarlarını Trend -a şərh etməkdən imtina edib, lakin qeyd edib ki, "bizim partiya, parlament divarları çərçivəsində müxalifət nümayəndələrilə əməkdaşlığa hazırdır".
"Milli hərakatın" parlament fraksiyasının sədri Petre Çiskarişvili, öz növbəsində, Trend -la söhbət zamanı qeyd edib ki, "top meydançanın ortasındadır və iqtidar partiyası müxalifətdən təkliflər gözləyir".
Gürcü müxalifət liderlərinin əksəriyyəti tərəfdaş partiyasını tərk etməsi səbəbini şərh etməkdən imtina edib.
Gürcüstan MSK-nın yekun nəticələrinə əsasən, ölkədə mayın 21-də keçirilən parlament seçkilərində parlamentə beş partiya daxil olub. Gürcüstanın yerli parlamentində 150 deputat kürsüsündən 119-u "Vahid Milli Hərakat" iqtidar partiyasının nümayəndələri tutub. Seçkilərin nəticələri ilə razılaşmayan müxalifət, onların saxtalaşdırıldığını bəyan edərək, öz mandatlarından imtina etmək və "alternativ parlament" yaradılması haqqında qərar qəbul etmişdi.
Müəlliflə əlaqə saxlamaq üçün elektron ünvan: [email protected]