Azərbaycan, Bakı, 17 iyun/ Trend , müxbir M.Əliyev/ ATƏT-in qiymətləndirmə missiayası Bakıda Azərbaycanda seçkiqabağı vəziyyəti müzakirə edəcək. Norveçin Azərbaycandakı səfiri Yon Ramberq çərşənbə axşamı bildirib ki, görüş iyunun 20-də keçiriləcək.
O, qiymətləndirmə missiyasının Azərbaycandakı işinin təfərrüatını açıqlamayıb.
Azərbaycanda prezident seçkisi oktyabrın 15-də keçiriləcək. İyulun sonu-avqustun əvvəlində Azərbaycan prezidentliyinə namizədlərin seçkiqabağı kampaniyası başlayacaq.
Müsavat Partiyasının başqanı İsa Qəmbər, ADP sədri Sərdar Cəlaloğlu, Yaşıllar Partiyasının sədri Mais Güləliyev, Azərbaycan Naminə İctimai Forumun rəhbəri Eldar Namazov, Bütöv Azərbaycan Xalq Cəbhəsi Partiyasının sədri Qüdrət Həsənquliyev artıq öz namizədliklərini irəli sürüblər. Hakim "Yeni Azərbaycan" Partiyası bəyan edib ki, hazırki dövlət başçısı İlham Əliyevin namizədliyini irəli sürəcək.
Müəlliflə əlaqə saxlamaq üçün elektron ünvan [email protected]
