Azərbaycan, Bakı, 30 iyun / Trend , müxbir İ.Əlizadə/ Azərbaycan müxalifətini təmsil edən Müsavat Partiyasının Məclisində boş qalan yerlərə seçkilər keçiriləcək. "Hazırda partiya Məclisində 20-dən artıq yer boşdur. Məclisin avqust ayının əvvəllərində keçiriləcək iclasında boş qalan yerlərə seçkilər keçiriləcək", - deyə bazar ertəsi Trend -a açıqlamasında Müsavat Partiyası Məclisinin sədri Sülhəddin Əkbər bildirib.
Trend -un arayışı: Sağ mərkəzçi Müsavat Partiyasının 2006-ci ildə keçirilən qurultayından sonra Məclisin tərkibini tam formalaşdırmaq mümkün olmayıb. Məsələ bir neçə dəfə Məclisin iclasında müzakirəyə çıxarılıb. Lakin Məclis sədri Sülhəddin Əkbərin tərəfdarları ilə Mərkəzi İcra Aparatının rəhbəri Arif Hacılı tərəfdarları arasında olan fikir ayrılığı Məclis üzvlərinin seçilməsinə mane olub.
Müsavat Məclisinin 143 nəfər üzvü var.
Əkbər qeyd edib ki, Nizamnaməyə görə, Məclis üzvü olmaq istəyən şəxslər iclasın tarixi elan olunduqdan sonra öz namizədliklərini irəlü sürməlidirlər: "Namizədlər Məclisin iclasından əvvəl məlum olmalıdır. Partiya Divanı iclasın tarixini elan edəndən sonra namizədlər qeydə alınmalı və onlar təbliğat kampaniyası aparmalıdırlar".
Məqalə müəllifi ilə əlaqə ünvanı: [email protected]
