Qazaxstan, Astana, 30 iyun / Trend , müxbir K.Konırova/ 2008-ci ilin sonuna 2009-cu ilin əvvəlinə kimi Quantanamodakı həbsxana bağlana bilər. Bu barədə bu gün Astanada keçirilən mətbuat konfransında ATƏT katibinin müavini və ATƏT başçısının Quantanamo üzrə xüsusi nümayəndəsi Anne-Mari Lizin bildirib.
"ATƏT-in Parlament Assambleyası Quantanamonun bağlanması üzrə yol xəritəsinin və fəaliyyət planının hazırlamasını təklif edir. ABŞ prezidentliyinə olan namizədlərin ən azı ikisi öz seçkiqabağı proqramlarında Quantanamodakı həbsxananın bağlanmasını təklif edirlər", - Anne-Mari Lizin deyib.
Onun sözlərinə görə,
hazırda Quantanamodakı həbsxanada 34 ölkədən olan
270 məhbus, o cümlədən Yəmən (100
nəfər), Əfqanıstan, Əlcəzair, Səudiyyə
Ərəbistanı, Pakistan, Çin, Özbəkistan və
Somalidən olanlar saxlanılır.
" Quantanamo həbsxanasının
bağlanması üzrə fəaliyyət planının
əsas prioritetini məhbusların doğma
vətənlərinə qayıtması təşkil edir ki, bunu
da Səudiyyə Ərəbistanı modeli əsasında
etmək mümkündür"- Anne-Mari Lizin bildirib.
"Bu gün bəzi məhbusların deportasiyası ilə bağlı problemlər mövcuddur. Belə ki, bu ölkələrin hökumətləri ilə danışıqlar aparmaq imkanı yoxdur. Söhbət Çin, Özbəkistan və Somali vətəndaşları haqqında gedir"- xanım Lizin əlavə edib.