Azərbaycan, Bakı, 6 iyul / Trend müxbir A.?liyev/ Könüllü Hərbi Vətənpərvərlik Texniki İdman Cəmiyyətinin Balakən Aviasiya Mərkəzi gələn il daha iki yeni təlim-məşq təyyarəsi alacaq. Bu barədə sözügedən qurumdan məlumat verilib. 10 ildən sonra əsaslı təmir olunan YAK -52 markalı təlim-məşq təyyarəsi isə artıq istifadədir.
Gürcüstan və Rusiyadan olan təcrübəli mütəxəssislərin bərpa etdiyi təyyarə 4 kilometr hündürlükdə uça bilir. Həmin təyyarənin qalxma sürəti saatda 140 kilometrdir.
Hazırda mərkəzdə təyyarələrin saxlanması üçün üç anqar fəaliyyətdədir. Mərkəzin istifadəsində dörd təyyarə var. Onlardan ikisi AN-2, digərləri isə YAK-52 təyyarələridir.
Aviasiya Mərkəzində təlimlərin keçirilməsi üçün imkanlar da genişləndirilib. Bu il paraşütçü desantlara xeyli sayda yeni hava şarı və paraşütlər alınıb.
Paraşutçü-desant və təyyarəçilərin hazırlandığı Balakən Aviasiya Mərkəzi 20 ildir fəaliyyət göstərir.
