Azərbaycan, Bakı, 17 iyul / Trend , müxbir G.Əhmədova/ "Rəsmi Kabilin Pakistan xarici kəşfiyyat orqanlarını Əfqanıstanın təhlükəsizliyini pozmaqda tənqid etməsi ədalətlidir" - deyə, Əfqanıstanın sabiq XİN başçısı Abdullah Abdullah Trend -a bildirib.
Pakistanın xarici kəşfiyyat orqanları Əfqanıstanda təxribat törətməklə məşğuldur,- deyə Əfqanıstan prezidenti Hamid Kərzai iyulun 15 - də deyib. O, əlavə edib ki, rəsmi Kabil və İslamabad arasında müzakirələr, Pakistan kəşfiyyatının Əfqanıstanın təhlükəsizliyini pozmağa son qoymasa, dayandırılacaq. Bu barədə BBC məlumat verib. BBC-nin məlumatına əsasən, Əfqanıstan Nazirlər Kabineti bu ölkənin Pakistanla siyasi-iqtisadi əlaqələrinin dayandırılmasını elan edib.
"Əfqanıstan hökumətinin bu qədər vaxt ərzində etdikləri cəhdlərə baxmayaraq, Pakistan xarici kəşfiyyat orqanları Əfqanıstanda "əlaltı hökumət"lərinin olmasına dair fikirlərindən vaz keçmədilər. Bununla da onlar Talibanı dəstəkləməyə davam edərək, bunu rəsmə şəkildə inkar edirlər" -
cümə axşamı elektron poçtla Kabildən bildirib.
Onun sözlərinə görə, uzun müddət ərzində beynəlxalq ictimaiyyət Pakistan xarici kəşfiyyat orqanlarının planının nəinki Əfqanıstan, həmçinin, Pakistanın da stabilliyinə təhlükə olması faktına göz yumurdular, indi hər kəs əmindir ki, bu vəziyyət davam edir.
"Əfqanıstan -Pakistan münasibətlərinə gəldikdə isə, hər bir təzyiq Pakistan xarici kəşfiyyat orqanlarının regiondakı "bədbəxtliklərini" dayandırmaq üçün istıfadə olunmalıdır və Pakistan hökuməti ilə dialoq davam etdirilməlidir. Çoxtərəfli və ikitərəfli görüşləri qəsdən yubandırmaq, hər iki tərəfə zərərli olacaq"- deyə, Abdullah bildirib.
O, hesab edir ki, Əfqanıstandakı vəzıyyəti və Pakistandakı sabitliyi pozmaq istəyən qruplaşmaların qarşısının alınması üçün Pakistanın öhdəliyi var: "Bu yöndə ilk addım Pakistan xarici kəşfiyyat orqanlarının bu qruplaşmaları dəstəkləməsinə son qoyulması ola bilər".
"Bu qruplaşmaların, Pakistandan onlara verdiyi dəstək və rəsmi toxunulmazlıqdan həzz alaraq, Əfqanıstanda sabitliyi pozmağa davam etmələri, Əfqanıstan üçün məqbul sayılmır.
Onlar (qruplaşmalar) Əfqanıstana qarşı cihad məsələsini açıq-aşkar gündəmdə saxlayırlar"-deyə, Abdullah bildirb.
Sabiq XİN sədrinin sözlərinə görə, Pakistan kəşfiyyatında olan Talibanlar bu mərhələdə, sülh sazişini bizə qarşı istifadə edir, vaxtı çatanda isə, bunu Pakistanda seçilmiş hökumətə qarşı istifadə edəcək. "Talibana qarşı laqeyd olmaq Pakistan üçün "ölümcül səhv" olacaq və regiondakı sülh və stabilliyi təhlükə altında qoyacaq" - deyə, Abdullah əlavə edib.
BBS - nin məlumatına əsasən, Pakistanın Baş naziri Yusuf Rza Gilani iyulun 16-da Əfqanistan prezidentinin rəsmi İslamabadı bu ölkənin təhlükəsizliyini pozmaqda ittiham etməsini pisləyərək, bu ittihamları rədd edib.
Məqalə müəllifi ilə əlaqə saxlamaq üçün elektron ünvan [email protected]
