Azərbaycan, Bakı, 05 avqust/ Trend /"Azərbaycan Hava Yolları"QSC (AZAL) Amerikanın Boeing şirkəti ilə alınan təyyarələrin sayının artırılması haqqında saziş imzalayıb, - AZAL-dan bildiriblər.
Təyyarələrin alınması haqqında ilkin saziş 2007-ci ilin fevralında imzalanıb. Yeni sazişə uyğun olaraq, "Boeing" 2010-2011-ci illlər ərzində AZAL-a dörd Boeing -737-900ER təyyarəsi təchiz edəcək. 2010-2014-cü illərdə Azərbaycana iki Boeing -767-300ER və iki Boeing -787-8 təyyarələri gətiriləcək.
2007-ci ilin əvvəlində Bakıda AZAL Boeing şirkətinin istehsalı olan beş təyyarənin alması ilə bağlı saziş imzalayıb. Alınan təyyarələr içərisində iki Boeing 737-900 və üç müasir Boeing - 787 markalı təyyarələr var. Sazişi AZAL-ın Baş direktoru Cahangir Əsgərov və "Boeing - mülki təyyarələr"şirkətinin prezidenti və baş direktoru Skott Karson imzalayıblar.
Boeing - 787 təyyarələri 2010-cu ildə gətiriləcək. Azərbaycan dünya və MDB məkənında bu növ təyyarələri alanlar sırasında birinci olacaq.
Bu hava gəmilərinin alınması üzrə sazişin dəyəri $400 mln. qiymətləndirilir. Sazişin bir hissəsini Amerikanın "Eximbank"-ı maliyyələşdirməyə hazırdır.
Boeing - 787 Dreamliner və Boeing - 787-9 Dreamliner-in modifikasiyaları salonların üçüncü dərəcəli kompaktlaşdırılması şərtilə, 223-259 sərnişini müvafiq olaraq 15700 km və 15400 km marşrut məsafələrində daşıya bilirlər. Boinqin daha bir 787-3 Dreamliner modifikasiyası, salonun ikinci dərəcəli kompaktlaşlması ilə 6500 км məsafədə 296-dək sərnişinlərin daşınmasına hesablanıb.