Azərbaycan, Bakı, 11 avqust/ Trend , müxbir R.Novruzov/ Rusiya çoxdan Gürcüstana müdaxiləyə hazırlaşıb, - Gürcüstan prezidenti Mixail Saakaşvili bazar ertəsi Tbilisidə mətbuat konfransında bildirib.
"Bir neçə gün ərzində Rusiyanın münaqişədə istifadə etdiyi sayda qoşun hazırlamaq mümkün deyil", - Saakaşvili bildirib.
Onun rəyinə görə, bu Rusiya tərəfinin müdaxiləyə illərlə olmasa da, aylarla hazırlaşdığından xəbər verir,- CNN telekanalı məlumat yayıb.
Prezidentin sözlərinə görə, Gürcüstana Cənubi Osetiya və Abxaziya istiqamətindən hücum edirlər.
"Rusiyanın apardığı əməliyyat sülhməramlı missiyadansa, tammiqyaslı müdaxilədir", - Saakaşvili söyləyib.
O, həmçinin bildirib ki, atəşkəs barədə akt hazırlayıb, lakin Rusiya tərəfi hələ də onu nəzərdən keçirməyib.
Müəlliflə əlaqə saxlamaq üçün elektron ünvan - [email protected] .