...

Azərbaycan ziyalıları müxalifətin yeni əməkdaşlıq birliyinin yaranacağını mümkün hesab etmirlər

Siyasət Materials 3 Sentyabr 2008 13:35

Trend-i buradan izləyin

Azərbaycan, Bakı, 03 sentyabr / Trend , müxbir C.Babayeva/ Azərbaycan ziyalıları müxalifətin yeni əməkdaşlıq birliyinin yaradılması təşəbbüsünü qeyri-ciddi hesab edirlər. ""Azadlıq" blokunun birlik təklifi qeyri-ciddidir və boykot qərarının nəticəsizliyinə görə, saman çöpündən yapışmaq istəyinə bənzəyir", - deyə çərşənbə günü Trend -a Azərbaycan Ziyalıları Birliyinin sədri Eldəniz Quliyev bildirib.

Trend -un arayışı: Azərbaycanda prezident seçkisi oktyabrın 15-də keçiriləcək. Müxalifəti təmsil edən partiyaların əksəriyyəti seçkini boykot edir. "Azadlıq" blokunda təmsil olunan Azərbaycan Xalq Cəbhəsi Partiyası (AXCP) müxalifətin yeni əməkdaşlıq mərkəzinin yaradılması ilə bağlı danışıqlara başlayıb. Danışıqlarda "Azadlıq" blokuna daxil olan partiyalarla (AXCP, Azərbaycan Liberal Partiyası, Vətəndaş və İnkişaf Partiyası) yanaşı, Müsavat, Açıq Cəmiyyət, Klassik Xalq Cəbhəsi partiyaları və "Azərbaycan Naminə" İctimai Forumun iştirak etdiyi bildirilir.

Quliyevin sözlərinə görə, yaradılması nəzərdə tutulan müxalifət birliyinin kimin ətrafında və nə məqsədlə yaradılması vacibdir. "Azərbaycan müxalifətinin əbədi çatışmamazlığı birləşə bilməməsidir. Müxalifətin birliyi yarananda, onun parçalanacağı gözlənilir. Yeni birliyin uzun ömürlü olacağına ümid etmirəm", - deyə o bildirib

Trend -un arayışı: Azərbaycan Ziyalıları Hərəkatı 2003-cü ildə yaradılıb və 2007-ci ildə Ədliyyə Nazirliyində Azərbaycan Ziyalıları Birliyi rəsmi qeydiyyatdan keçib. Təşkilatın məqsədi Azərbaycan ziyalılarının hüquqlarının müdafiəsi və müxalifətlə iqtidar arasında barışığa nail olmaqdır.

Məqalə müəllifi ilə əlaqə saxlamaq üçün ünvan: [email protected]

Xəbər lenti

Xəbər lenti