Azərbaycan, Bakı, 24 oktyabr/ Trend , müxbir E.Tariverdiyeva, Y.Ostapenko/ Dövlət naziri Piter Mandelsonun bu işdə adı çəkilsə də, Böyük Britaniyanın Mühafizəkarlar Partiyası üçün rusiyalı milyarder Oleq Deripaskadan guya pul dotatsiyalarının verilməsi ilə bağlı yaranan qalmaqal leyboristlərə təsir etməyəcək.
Böyük Britaniyanın Baş naziri ötən həftənin əvvəlində kölgə kabinetin maliyyə naziri Corc Osbornun öz partiyasının ehtiyaclarına 50 000 funt sterlinq ianə verməsi xahişi ilə guya rusiyalı milyarder Oleq Deripaskaya müraciət etməsinin təhqiq edilməsini tələb edib. Britaniya KİV-in məlumatına görə, Osbornun Deripaska ilə görüşündə hakim partiyanın əmək işləri üzrə dövlət naziri təyin edilən Piter Mandelson da iştirak edib.
"Bu, leyboristlərdən çox mühafizəkarlara təsir edəcək: Osborn onların öz partiyası üçün dotasiyalar istəməkdə ittiham edilən kölgə iqtisadiyyatı naziri olarkən, bu yığıncaqlarda iştirak etmiş Mendelson heç bir pis şeydə ittiham edilmir və o, həmin vaxt hökumətdə olmayıb", - Britaniya siyasəti üzrə ekspert professor Stiven Fildinq (Steven Fielding) hesab edir.
Qalmaqal ötən həftə Times qəzeti Mendelsonun dostu və Deripaskanın işgüzar tərəfdaşı, iş adamı Nataniel Rotşildin məktublarını dərc etdikdən sonra yaranıb. Məktublarda bildirilirdi ki, torilərin kölgə kabinetinin kansleri Osborn Deripaskadan Mühafizəkarlar Partyasının xeyrinə ianə verməyi xahiş edib. Bu danışıqda partiya üçün vəsaitlərin yığılmasına cavabdeh Endrü Feldman da iştirak edib.
Bu xahiş Britaniya qanunlarının pozulması və maraqların münaqişəsidir, - ekspertlər hesab edirlər.
"İş ondadır ki, Aİ-nin ticarət üzrə komissarı Mandelson Aİ- nin alüminium xammalının idxalına tətbiq etdiyi tariflərin azaldılması üzrə planı irəli çəkib, - Times yazır. - Avropa Şurasında keçirilmiş ötənilki səsvermədən sonra tarif 6%-dən 3%-dək azaldıldı. Deripaska Rusiyanın alüminium maqnatıdır. O, alüminiumun aparıcı dünya istehsalçısı və ixracatçısı "Rusal" şirkətinin sahibidir.
Britaniya qanunlarına əsasən, əcnəbilərin partiyanın xeyrinə ianə vermək hüququ yoxdur.
Mühafizəkarlarsa bəyan ediblər ki, Rotşildin məktubu "tamamilə yalandır" və Braunun təhqiqata başlamaq xahişini "qalmaqalın səngiməsinə yol verməmək üçün edilən ümidsiz cəhd" adlandırıblar. Deripaskanın ətrafındakı mənbə "İnterfaks"a bildirib ki, iş adamı heç vaxt Böyük Britaniyadakı hansısa siyasi partiyanı maliyyələşdirməyib və belə niyyəti olmayıb.
Analitiklərin rəyinə görə, ianə xahişilə bağlı qalmaqal yalnız Britaniyanın Mühafizəkarlar Partiyasının nüfuzuna təsir edəcək.
Fildinqin rəyinə görə, ianələr ətrafında qalmaqalla bağlı epizod mühafizəkarların leyboristlərdən daha təmiz olmaları bəyanatlarını sarsıdır. "Kölgə kabinetin" iqtisadiyyat naziri bu hadisədə hədsiz varlı insanlardan pul almağa çalışan şəxs kimi təsvir olunub, - ekspert hesab edir.
"Bu, insanları düşünməyə vadar edir ki, mühafizəkarlar hakimiyyətə gələndə,ola bilsin, yalnız çox varlıların, milyarderlərin maraqlarını təmsil edəcəklər", - Britaniyanın Nottingem Universitetinin Britaniya Siyasəti Mərkəzinin direktoru Fildinq elektron poçtla Trend -a bildirib. Onun sözlərinə görə, mühafizəkarlar özlərini sadə insanlarla, onların həyatları və çətinlikləri ilə daha çox maraqlanan partiya kimi göstərməyə çalışırdılar.
İnsanlar iqtisadiyyatı belə işlər görən şəxsə etibar etməyəcəklər, - Fildinq bildirib.
Bu, əlbəttə, Corc Osbornun nüfuzuna zərər vuracaq və mühafizəkarlar partiyasının imicinə yaxşı heç bir şey gətirməyəcək, - britaniyalı politoloq Rodni Barker (Rodney Barker) hesab edir. "Böhran yarananadək, Devid Kemeronun liderlik etdiyi Mühafizəkarlar Partiyası özünün müxalifət rolunu yaxşı oynayırdı və bu, hökumətin fəaliyyəti ilə müqayisədə, daha əhəmiyyətli, daha aydın idi", - Böyük Britaniya hökumətinin öyrənilməsi üzrə London School of Economics and Political Science-in rəhbəri Barker elektron poçtla Trend - a bildirib.
Böhran başlayandan, mühafizəkarlar öz fəallıqlarını azaltmağa məcbur olmuşdular. Belə ki, milli təhdid vaxtlarında müxalifət çox ehtiyatlı olmalıdır, - ekspert hesab edir. Onun rəyinə görə, bu qalmaqal, ictimai rəy sorğusunda hələ də liderlik edən mühafizəkarlara güclü zərbə vuracaq.
Müəlliflə əlaqə saxlamaq üçün elektron ünvan: [email protected]