Azərbaycan, Bakı, 04 noyabr / Trend , müxbir S.Kazımlı / Bakıniı Xətai rayonunda Azərbaycan Respublikası Dövlət Neft Şirkətinin (ARDNŞ) əməkdaşının evindən böyük məbləğdə pul oğurlanıb. Bu barədə Xətai rayon Polis İdarəsindən (RPİ) çərşənbə axşamı Trend - a məlumat verilib.
RPİ - dən bildiriblər ki, noyabrın 2 - də gecə saatlarında Natiq Əliyev küçəsi, ev 26, mənzil 50 ünvanında yaşayan, ARDNŞ - də işləyən Vladimir Zeynalovun evindən 4 800 dollar oğurlanıb. İlkin araşdırma zamanı hadisəni törədən şəxsin mənzilə açar seçmə yolu ilə daxil olması müəyyən olunub.
Hazırda hadısəni törədən şəxsin tutulması üçün polis əməkdaşları tərəfindən əməliyyat - axtarış tədbirləri davam etdirilir.
Faktla bağlı Xətai RPİ - də Azərbaycan Cinayət Məcəlləsinin yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla oğurluq törədilməsi (177.2.3 - cü) və xeyli miqdarda ziyan vurmaqla oğurluq törədilməsi (177.2.4 - cü) maddələri ilə cinayət işi başlanılıb, istintaq aparılır.
Məqalə müəllifi ilə əlaqə ünvanı:[email protected]
